Ladki Bahin Yojana E-KYC: सध्या महाराष्ट्र सरकारने सुरू केलेल्या मुख्यमंत्री माझी लाडकी बहीण योजनेच्या eKYC प्रक्रियेत अनेक लाभार्थींना अडचणी येत आहेत. अर्जदार जेव्हा addhar नंबर टाकून OTP (वन-टाईम पासवर्ड) मिळवण्याचा प्रयत्न करतात, तेव्हा “Error – Unable to Send OTP” असा संदेश दिसतो.
लाडकी बहीण eKYC मध्ये OTP का येत नाही?
हा प्रॉब्लेम अनेकांना जाणवतो आहे. त्यामुळे अनेक महिला लाभार्थी चिंतेत पडल्या आहेत की त्यांचे eKYC पूर्ण होईल की नाही. प्रत्यक्षात, हा तांत्रिक त्रुटीमुळे (Technical Issue) निर्माण झालेला प्रश्न आहे. eKYC प्रक्रिया ऑनलाइन असल्याने एकाच वेळी लाखो लोक प्रयत्न करतात, ज्यामुळे सर्व्हरवर जास्त लोड येतो आणि OTP जनरेट होण्यास वेळ लागतो किंवा तो पाठवला जात नाही.
यामुळे घाबरण्याची किंवा घाई करण्याची अजिबात गरज नाही. सरकारने eKYC पूर्ण करण्यासाठी दोन महिन्यांचा कालावधी दिला आहे. त्यामुळे प्रत्येकाने शांतपणे योग्य वेळेत प्रक्रिया पूर्ण करणे महत्त्वाचे आहे.
eKYC मध्ये OTP Error – उपाय काय?
जर तुम्हालाही “Unable to Send OTP” असा Error येत असेल, तर खालील उपाय नक्की करून बघा:
- रात्री उशिरा किंवा पहाटे प्रयत्न करा
दिवसाच्या वेळेस वेबसाइटवर खूप जास्त ट्रॅफिक असल्याने सर्व्हर स्लो होतो. त्यामुळे OTP येत नाही. यासाठी रात्री १२ नंतर किंवा सकाळी लवकर प्रयत्न करणे फायदेशीर ठरू शकते. - काही दिवसांनी पुन्हा प्रयत्न करा
सरकारने स्पष्ट सांगितले आहे की eKYC करण्यासाठी दोन महिन्यांचा कालावधी उपलब्ध आहे. त्यामुळे तांत्रिक समस्या येत असेल तर घाई करू नका. ७-८ दिवसांनी पुन्हा प्रयत्न करा. या काळात सर्व्हरवरील लोड कमी झाल्यानंतर OTP व्यवस्थित येऊ शकतो. - नेटवर्क कनेक्शन तपासा
कधी कधी OTP न येण्याचे कारण मोबाईल नेटवर्क देखील असू शकते. तुमच्या मोबाईलमध्ये सिग्नल व्यवस्थित आहेत का, हे तपासा. - योग्य माहिती भरा
तुमचा मोबाईल नंबर आधारशी लिंक आहे का, हे तपासा. चुकीचा नंबर दिल्यास OTP येणार नाही. - सरकारी सूचना तपासत राहा
महाराष्ट्र सरकारकडून वेळोवेळी अधिकृत सूचना प्रसिद्ध केल्या जात आहेत. त्यांचे पालन करणे महत्त्वाचे आहे.
निष्कर्ष
OTP न येणे ही एक तांत्रिक समस्या आहे, जी सर्व्हरवर जास्त लोड झाल्यामुळे उद्भवते. यामध्ये तुमच्या अर्जात किंवा मोबाईलमध्ये काही चूक नाही. त्यामुळे काळजी करण्याची गरज नाही. रात्री उशिरा, काही दिवसांनी किंवा योग्य नेटवर्कमध्ये पुन्हा प्रयत्न केल्यास eKYC प्रक्रिया सहज पूर्ण होऊ शकते.
लाडकी बहीण योजनेसाठी सर्वांना पुरेसा वेळ (दोन महिने) दिला आहे, त्यामुळे OTP Error हा तात्पुरता प्रश्न आहे आणि थोडा संयम ठेवून तो सोडवता येतो.
👉 हे आर्टिकल फक्त माहितीपर आहे. अधिकृत व अद्ययावत माहितीकरिता नेहमी महाराष्ट्र शासनाची अधिकृत वेबसाइट किंवा सरकारी कार्यालयाशी संपर्क साधावा.
