‘Free Gas Cylinder: लाडकी बहीण योजने’सोबतच राज्य सरकारने महिलांसाठी आणखी एक धमाकेदार योजना सुरू केली होती, ती म्हणजे ‘मुख्यमंत्री अन्नपूर्णा योजना’. या योजनेअंतर्गत वर्षाला ३ गॅस सिलिंडर मोफत देण्याची घोषणा करण्यात आली होती. आता या योजनेबाबत एक मोठी अपडेट समोर आली आहे. दि. १७ नोव्हेंबर रोजी यासंदर्भातील शासन निर्णय (GR) प्रसिद्ध झाला असून, सबसिडी वितरणासाठी तब्बल ५० कोटी रुपयांच्या निधीला मंजुरी देण्यात आली आहे. मग हा निधी नक्की कोणाच्या खात्यात जमा होणार? आणि तुम्हाला ३ गॅस सिलिंडर मोफत मिळवण्यासाठी काय करावे लागेल? याची सविस्तर माहिती खालीलप्रमाणे आहे.
१७ नोव्हेंबरचा जीआर (GR) नक्की काय सांगतो?
सरकारने नुकताच १७ नोव्हेंबर रोजी एक महत्त्वाचा जीआर काढला आहे. या जीआरनुसार, ‘मुख्यमंत्री अन्नपूर्णा योजने’अंतर्गत २०२५-२६ या वर्षात गॅस सिलिंडरचे अनुदान (Subsidy) वितरीत करण्यासाठी मान्यता देण्यात आली आहे.
सर्वात महत्त्वाची बाब म्हणजे, या जीआरद्वारे शासनाने ५० कोटी रुपयांचा निधी मंजूर केला आहे. हा निधी थेट लाभार्थ्यांच्या बँक खात्यात जमा केला जाईल. याचा अर्थ असा की, तुम्ही गॅस विकत घेतल्यावर त्याचे पैसे (अनुदान) तुमच्या खात्यात परत येतील.
सध्या पैसे कोणाला मिळणार? (Special Update)
हा ५० कोटींचा निधी सध्या विशिष्ट प्रवर्गासाठी मंजूर करण्यात आला आहे. जीआरमधील माहितीनुसार, हा निधी अनुसूचित जाती (SC) आणि अनुसूचित जमाती (ST) प्रवर्गातील महिलांच्या गॅस अनुदानासाठी वापरला जाणार आहे.
पण इतर प्रवर्गातील (General/OBC) महिलांनी निराश होण्याचे कारण नाही. कारण अन्नपूर्णा योजना ही सर्वसाधारण प्रवर्गासह सर्वांसाठी लागू आहे. इतर प्रवर्गासाठीचा निधी वितरणाचा आदेशही लवकरच येईल, पण सध्याची ५० कोटींची तरतूद SC/ST प्रवर्गासाठी करण्यात आली आहे.
‘फ्री गॅस’ मिळवण्यासाठी पात्रता काय?
अनेक महिलांना प्रश्न पडतो की, आम्हाला या योजनेचा लाभ मिळेल का? तर खालील दोनपैकी एका अटीत बसणाऱ्या कोणत्याही महिलेला लाभ घेता येईल:
* ती महिला ‘उज्वला गॅस योजने’ची लाभार्थी असावी.
किंवा
* ती महिला ‘मुख्यमंत्री माझी लाडकी बहीण योजने’ची लाभार्थी असावी.
तुम्ही कोणत्याही जाती-प्रवर्गाचे (Caste/Category) असा, जर तुम्ही वरीलपैकी एका योजनेचे लाभार्थी असाल, तर तुम्हाला वर्षाला ३ सिलिंडरची सबसिडी मिळू शकते.
सर्वात महत्त्वाची अट: हे नसेल तर पैसे मिळणार नाहीत!
लाभार्थी असूनही अनेक महिलांना पैसे मिळत नाहीत, याचे मुख्य कारण म्हणजे गॅस कनेक्शनचे नाव.
* ही योजना फक्त महिलांसाठी आहे. त्यामुळे तुमच्या घरातील गॅस कनेक्शन हे संबंधित महिलेच्या (लाभार्थीच्या) नावावर असणे बंधनकारक आहे.
* जर गॅस कनेक्शन पतीच्या, सासऱ्यांच्या किंवा भावाच्या नावावर असेल, तर तुम्हाला अन्नपूर्णा योजनेचा लाभ मिळणार नाही. त्यामुळे गॅस कनेक्शन महिलेच्या नावावर ट्रान्सफर करून घेणे अत्यंत गरजेचे आहे.
अर्ज कसा करायचा?
यासाठी तुम्हाला कोणताही वेगळा फॉर्म भरण्याची गरज नाही. शासनाकडे तुमचा डेटा (लाडकी बहीण किंवा उज्वला योजनेतून) आधीच उपलब्ध आहे.
* तुमचे बँक खाते आधार कार्डशी लिंक (Link) ठेवा.
* मोबाईल नंबर आधारला जोडून ठेवा.
* ही प्रक्रिया पूर्ण असल्यास, ‘Direct Benefit Transfer’ (DBT) द्वारे गॅसचे पैसे थेट तुमच्या खात्यात जमा होतील.
